estat

Estat, Il vient de Status.

Estat, m. Signifie tout ce qui est dit par ces mots, disposition, ordre, succes, police, et cours, conduict et maniement des affaires, ainsi dit-on, Tel estoit ou est l'Estat du Royaume, Status regni. Virg. au 7. de l'Eneid. Quis Latio antiquo fuerit status. Et le Royaume est en bon ou mauvais estat, Rerum status.

Estat signifie aussi le rang, et ordre politique entre les hommes d'un Royaume, d'un païs, d'un potentat et seigneurie, ainsi disons nous les gens des trois estats, pour les gens de l'estat d'Eglise, de l'estat de noblesse, et du tiers estat, c'est à dire du populaire, Ordo. Comme, Ordo senatorius. Ordo equestris, Anciennement à Rome. On dit simplement aussi Les estats, pour les gens des trois estats, Comme, les estats sont mandez à Orleans, Ordinum conuentus indictus est Aurelianis.

Estat aussi signifie l'equippage en habillemens somptueux, et autres ornemens de la personne d'un homme ou femme. Selon ce on dit, Cet homme, ou cette femme portent grand estat, Magnifice ac splendide vestiuntur. Et consequemment à cela on dit, c'est un personnage d'estat, pour un personnage signalé en grandeur et préeminence, parce que telles gens sont communéement en arroy somptueux.

Estat aussi est un certain denombrement des officiers, et domestiques ordinaires de la maison du Roy, et des Princes, Regis aut Principis familiae catalogus, Constitutio, Descriptio, Annotatio. Selon ce on dit, L'estat du Roy se fera bien tost, et estre couché en l'estat, In familiae regis catalogo describi, annotari.

Estat aussi est la recepte et mise d'une finance, Tabulae accepti et expensi. Ou l'une des deux separéement, selon ce on dit, Bailler par estat, ce qui a esté receu, ou ce qui a esté despendu et frayé, Tabulas accepti aut impensi proferre.

Un estat, Iustitium castrense.

L'estat et condition des hommes, Conditio humana.

L'estat et condition d'un chacun, Res.

Habit et estat royal, Insigne regni.

L'estat du corps, Habitudo.

Estat d'homme non marié, Caelibatus.

L'estat ou l'avoir de sa maison, Res familiaris.

Estat de longue robbe, Militia vrbana.

L'estat de Pontife, Pontificatus.

L'estat des Senateurs, Ordo Senatorius.

Comment? tout est-il retombé en cet estat? Huccine tandem omnia reciderunt.

Au mesme estat, Eodem loci.

Un mesme estat d'un combat, Tenor pugnae.

Gens d'estat et d'honneur, Homines ampli.

Gens de bas estat, Bipedalis moduli homines, Humiles viri, Tenuis sortis, vel conditionis homines.

Les gens de mon estat qui sont aussi povres que je suis, Meus ordo.

Gens addonnez à cet estat n'ont point accoustumé de mal penser, ne de mal faire, Minime male cogitantes sunt qui in eo studio occupati sunt.

Helas en quel estat et disposition te trouveray-je? Quonam modo nunc te offendam affectam?

En quel estat, Vbi loci.

Autant que l'estat de la guerre le requeroit, Quantum belli ratio postulabat.

Aviser et deliberer selon l'estat et nature de la cause, Cum re praesenti deliberare.

Je crain certes veu l'estat où tu es, que, etc. Vereor enim cuiusque modi es, ne ita, etc.

Devis, ordonnance, et estat, Designatio.

Bailler quelque estat ou office, Ordinare.

Asseurer l'estat d'une Republique, Figere et fundare statum Reipublicae.

Bailler quelque estat à quelqu'un, Mandare honores alicui.

Estre constitué en estat et dignité, Gerere magistratum.

Contregarder son estat, Tueri statum suum.

Delaisser la voye qu'on avoit prinse de poursuivre et briguer un estat, et se tourner et entrer au chemin d'accusation, Deflectere de periculo petitionis, et animum ad accusandum transferre.

Il dit que la Republique ne peut demeurer en estre ou en estat, Rempub. sistere negat posse.

Demeurer en mesme estat, Eodem loco stare.

Donner à quelqu'un grand estat et office, Deferre alicui honorem.

Quand aucun par son opinion donne à autruy un grand estat et office, Honores alicui decernere.

Faire estat de gaigner argent soubs couleur de garder l'authorité des loix et ordonnances, Legibus ad quaestum abuti.

Ne faire point son estat, ou son debvoir, Deesse officio suo et muneri.

Un homme qui fait tresbien son estat, Vir summo officio in magistratu fungendo praeditus. B.

Faire l'estat d'autruy, Fungi munus, vel munete alicuius.

Faire autre chose qui n'appartient à son estat, De statu suo declinare.

Voilà en quel estat je suis venu, Hem quo redactus sum.

En quel estat je suis et comme je me porte, Quomodo sim affectus.

La chose estoit en tel estat qu'il a esté force de le faire, Ita erat res, faciundum fuit.

Estre en meilleur estat, Stare meliori loco, In meliore loco esse.

La chose ne sçauroit en pire estat, etc. Peiore res loco non potest esse quam in quo nunc sita est.

Republique qui est en tres-mauvais estat, Respublica aegra.

Nos choses sembloient estre en meilleur estat, Nostrae res meliore loco esse videbantur.

Estre remis en l'estat qu'on avoit avant son bannissement, Reipublicae restitui.

Quand un homme porte patiemment toutes choses, et est tousjours en un mesme estat, soit en prosperité ou adversité, AEquabilitas in omni vita.

Besoignes qui sont en povre estat, Egenae res.

Tu me mets en tel estat que moy-mesme ne sçay que j'ay fait, Eo redigis me, vt quid egerim egomet nesciam.

Monter aux estats par degrez, Ascendere gradibus magistratum.

Oster à aucun son estat, Aliquem a Rep. remouere.

Parvenir à grand estat et honneur, Venire in locum summum.

Quand on a passé par tous les estats, en l'administration de la plus part des offices d'une ville, Decursus honorum.

Remettre en son premier estat, Reparare.

Remettre l'amitié sus et en estat, Amicitiam errantem reducere.

Remettre en estat une chose perduë et gastée, Rem perditam restituere.

Quand on est remis en son premier estat, Restitutio.

Contre esperance les affaires Romains reviennent en estat, Resurgunt res Romnae contra spem.

Tascher à parvenir en estat, Honoribus inseruire.

Cependant la cause tenuë en estat, Interim causae iustitium decretum vel inter partes conuentum.

Obtenir lettres d'estat, Iustitium militari iure, vel legatorum impetrare. Bud.

Un procez mis en estat de juger, Controuersia profligata. B.

Le procez est en estat de juger, Litis agitatio iam profligata est, et ad iudicationem vergens. B.

Une cause continuée ou mise en estat sous esperance d'accord, ou pour quelque autre bonne cause, Vadimonium ob iustam causam ampliatum. Bud.

Acheter un estat de la Cour, Mercari et nundinari quouis modo locum in ordine amplissimo. B.

L'estat de pratique, Vita circunforanea. B.

L'estat de la recepte, Breuiarium rationum. B. ex Suet.

L'estat du cens, Breuiarium censuale. B.

Ceux qui ne sont point couchez en l'estat, Praeteriti. B.

Il n'a point encore d'estat, Nondum honorem capessiuit. Bud. ex Tacito.

Se tenir à l'estat des hommes d'armes, et y demeurer sans monter plus haut, Tenere se in equestri ordine.

Se tenir tousjours en un estat, et de mesme sorte, Se praebere aequabilem.

Les choses estoient tombées en tel estat que, etc. Eo redactae res erant, vt. etc.

La chose est presque venue en tel estat que si, etc. Pene in eum locum res reduit, vt si omnes cuperent, etc.

En une seule bataille tout l'estat de nostre chose publique si en va, In vno praelio omnis fortuna Reipublicae disceptat.

Les estats, en plur. Sont l'Eglise, la Noblesse, et le Populaire. Car on dit l'Estat d'Eglise, l'Estat de Noblesse, et le commun ou tiers Estat, qui comprend en luy ceux qui ne sont ni d'Eglise ni nobles. Ainsi l'on dit les gens des trois Estats, pour l'universalité des gens du Royaume, parce que tous les manans naturels du Royaume sont rangés sous l'un de ces trois Ordres. Il y a des Estats generaux, qui sont quand les gens des trois Estats du Royaume sont universellement convoquez et assemblez en une ville, pour entendre la proposition du Roy touchant les affaires importants à sa couronne. Totius Galliae concilium. Caesar lib. 7. de bell. Gall. Panegyris Gallorum. Bud. Conuentus panegyrici. Et des Estats particuliers, qui sont quand les gens des trois Estats d'un païs particulier, comme de Guyenne, de Bretagne, de Bourgongne, de Languedoc, de Provence, de Dauphiné, ou d'autre Province d'Estats sont convoquez et assemblez, Ordinum prouinciae vnius concilium ac conuentus. Entre lesquels particuliers et generaux Estats y a cette difference, que és generaux le Roy de sa bouche ou par son Chancelier fait la proposition, qui contient la cause et l'effect pour lequel les trois Estats ont esté mandez, et est le suject dont ils ont à deliberer entre eux. Mais aux Estats particuliers d'un païs ou province, le gouverneur pour le Roy en icelle, ou son lieutenant, ou l'un des commissaires deputez par le Roy font laditte proposition. Ils different aussi selon la proportion qui est du total du Royaume à une Province d'iceluy. Car aux Estats generaux se trouvent le Roy, les Princes du sang, Cardinaux, Archevesques, Pairs de France, les chefs des quatre Ordres principaux, les Officiers de la couronne, les autres grands Seigneurs du Royaume, les Conseillers du conseil d'Estat, ceux du conseil Privé, et des Finances, les deputez des Provinces de France, et ceux des grandes Prevostez, Senechaussées et Bailliages du Royaume, comme se peut voir par plusieurs convocations faictes des trois Estats en general. Là où aux Estats particuliers ne se trouvent que le Metropolitain avec ses suffragants et Abbez de la Province, lesdicts gouverneur pour le Roy ou son Lieutenant {{o=Lientenant}} et commissaires, les grands Seigneurs et nobles du païs, et les deputez de chacune ville des Prevostez Bailliages et Seneschaussées d'icelle Province. Mais ils ont cela de commun, que les uns et les autres sont mandez et convoquez par lettres patentes. Et en tous deux la conclusion et response desdits Estats est faicte entendre au Roy, s'ils sont generaux, ou au gouverneur et commissaires susdits s'ils sont particuliers par les deputez: Laquelle estant conforme à la demande de sa Majesté, est communéement appelée Octroy. Et en tous deux y peut avoir quayers de doleances, qui sont les griefs ausquels les gens du Royaume, ou ceux d'une particuliere Province requierent estre pourveu de remedes par sa Majesté. Ils different en oultre en ce qu'és Estats generaux sont traictez les affaires et matieres d'Estat, et qui importent grandement au Roy, et à tout son Royaume: au lieu que le subject des particuliers est, apres la demande du Roy, ce qui concerne publiquement l'utilité de la Province dont les Estats sont convoquez. Ainsi Aimoinus escrit au liv. 1. chap. 16. le Christianisme avoir esté receu en France par deliberation desdits Estats generaux, le Roy Hlovis y presidant. Et au liv. 4. chap. 1. Les Estats generaux avoir decidé le different entre Hlotaire fils de Chilperic, debattant à Brunehaud, laquelle vouloit establir au Royaume d'Austrasie Sigebert, fils bastard de Theodoric. Et au chap. 15. le mesme Hlotaire par leur advis avoir ordonné ce qui concernoit la pacification et tranquillité du Royaume, et l'utilité de l'Eglise Gallicane. Et au chap. 28. le Roy Dagobert par l'advis d'iceux Estats generaux avoir declairé indignes de la succession de Sadresigille Duc d'Aquitaine les enfans d'iceluy, pour n'avoir vengé le meurtre commis en la personne de leur pere. Et au chap. 30. le mesme Roy Dagobert avoir en pleins Estats generaux fait son testament, et la demission de la couronne de France és mains de Sigebert et Hlovis ses enfans: Et au chap. 41. Hlodovée Roy, avoir proposé en iceux Estats generaux, qu'il les avoit convoquez comme ses conseillers des affaires d'Estat, et exempté par leur assentement, le monastere S. Denys en France de toute superiorité. Et au chap. 107. Le Roy et Empereur Loys fils de Charlemagne avoir en iceux fait maint reiglement et ordonnance touchant l'Estat des Eglises et monasteres, et adjousté beaucoup aux loix dont le Royaume estoit regi et policé. Et au chap. 108. En iceux Estats avoir esté conclue la guerre contre Liudewic Duc de la basse Pannonie (aujourd'huy appelée Hongrie) et par leur jugement armes faites à outrance par Bera Comte de Barcelone. Auquel, Estant vaincu en champ de bataille, et par jugement d'iceux Estats condamné à perdre la teste, sadite Majesté commua la peine de mort en exil. Ce qui monstre que l'autorité du Roy surpasse celle desdits Estats. Et au chap. 109. qu'és prochains Estats tenus à Aix la chappelle, la mesmes expedition de guerre fut ordonnée; le partage que ledit Roy avoit fait entre ses fils, publié et confirmé. Et celle année mesmes le mariage du Roy Hlotaire fils aisné de sadite Majesté avec Irmingarde fille du Comte Hugues y avoir esté fait. Et au chap. 110. Saditte Majesté, les Estats tenans, s'estre reconcilié à ses freres, avoir fait satisfaction tant à son nepveu Bernhard fils de Pepin son frere, que à l'Abbé Adhalard et Gualach frere d'iceluy, apres avoir recogneu les tors et griefs qu'il leur avoit faits. Avoir receu et ouy les Ambassadeurs de tous les Sclavons Orientaux, Abrodites, Sorabes, Wlizois, Bohemes, Moramois, et ceux venus de Nortmandie de par Haroul, et les enfans de Godefroy. Et au chap. 113. avoir en iceux Estats decidé la controverse qui estoit pour raison des frontieres entre les François et les Bulgariens, et confirmé la paix avec Godefroy le Nortmant. Et au chap. 114. avoir en iceux Estats ouy les Ambassadeurs du sainct Siege Apostolique, ceux d'oultre mer, ceux des enfans de Godefroy Roy des Danois, ceux des Esclavons, les grands Seigneurs des Abrodites, accusans Ceadraque leur Duc pardevant luy. L'accusation proposée contre Tungo l'un des Princes de Sorabe, insimulé de desobeissance, et ceux de Bretagne. Et au chap. 116. esdits Estats tenus à Aix la chapelle, avoir esté par luy procedé contre les capitaines qui estoient en la garde de la frontiere d'Espagne, pour leurs mesprinses. Et contre Baudry Marquis de la frontiere de Hongrie: Et les Ambassadeurs de France envoyez devers Michel Empereur de Constantinople, luy avoir fait le rapport de leur ambassade. {{o=ambssade}} Et au livr. 5. chap. 11. sadicte Majesté avoir declaré son fils aisné Hlotaire pour Empereur, Pepin commandeur en Aquitaine, et Loys en Baviere. {{o=Baiorie}} Et au chap. 16. avoir en iceux Estats ouy le rapport de tous les Ambassadeurs qu'il avoit envoyé çà et là, et examiné tout ce qui se passoit en son Royaume, et corrigé ce qui faisoit à amender. Et au chap. 17. avoir esdits Estats armé chevalier, et couronné Roy de Neustrie Charles son fils. L'origine desquels Estats generaux est tres-ancienne: car de tout temps, comme ramentoit Jul. Cesar en ses commentaires De bell. Gall. lib. 6. Les François ne traictoient des affaires publiques, si n'est en leur assemblée: Et recite iceluy Cesar qu'il en a tenu en France aucuns, et au surplus met la difference entre lesdits Estats generaux, et les plaids que les seuls Druides tenoient une fois l'an au païs Chartrain, où les controverses crimineles et civiles estoient debatuës, et par eux jugées. Car ausdits Estats generaux se trouvoient aussi les nobles. Et pour autant que comme dit le mesme autheur, le tiers Estat n'estoit au commencement en aucun compte, ains estoit tenu à vile condition, voila pourquoy en plusieurs passages dudit Aimoinus cy dessus alleguez il se trouve ledit tiers Estat n'avoir par les anciens Roys de France esté convoqué aux Estats generaux tenus par eux: Et que selon l'exigence des cas, ils les assembloient maintesfois deux fois l'an, et tousjours d'an en an, si que au partir de ladicte assemblée ils publioient le jour et le lieu de ceux de l'année prochaine. Il se trouve des Estats generaux d'Aquitaine, tenus par Louys, fils de Charlemaigne, auquel ledit pais estoit baillé en appanage, du tout à la façon des generaux de tout le Royaume, du vivant du Roy de France son pere. Aimoin. livre 5. chap. 2. 3. 4. 5. 8.

Tenir les estats, Conuentus agere, Concilium totius prouinciae habere.

Mander ou convoquer les Estats generaux à certain jour, Concilium totius Galliae in diem certam indicere, Caesar lib. 1. de bell. Gall. Diem concilio totius Galliae constituere. Caesar eod. lib.

Thresor de la langue françoyse. Jean Nicot.